Antichi mestieri: lu sanapurcèlla

Faceva lu sanapurcèlla ‘Ntìnu
e ssanàva purciéddri e purcèddre,
uèrri e scrófi quann’èrn’arrivati
d’ajità pi ddint’a li mmassarìji.

La diffirènza era ch’a li ffémmini
li ccuséva e a li màsculi no, li rumanéva
la coglia cu li ccèchi aperti.
E déva cusìgli pi lu male russu,
pi li rùcili da curà cu la ruta,
uógliu e zzùlifu di Sicilia,
e pi ppuricà li puórci urdinàva
l’acqua di murchirèddra vuddrùta.
Ma si lu male era di morte
pi lu puórcu ‘n ci stéva rimèdiju.
La fatìja ‘nni li mancava, picchè
ogni famiglia criscéva lu puórcu
e accussì tinéva la cummilità
pi ttuttu l’annu e aveva cu cché
cunzà lu mmagnà, ca nu puórcu rassu,
spacch’e ppésa, éva fa
alliménu duji quintali: pócu carna
e cquattu déta di lardu ‘nd’à li rini.
Si ni faceva sulu dóji déta,

li mmalilénghe jévunu facènnu
lu dìcica dìcica pi dint’a lu paese:
la tali famiglia av’accìsu lu canu.
‘Ntìnu tinéva na mórra di figli e cquannu
sanava nu purciéddru màsculu,
li fasùli l’accravugliàva ‘nd’à na fórna
di verza, si li mmittéva nd’à la sacca
di la giacchètta e ssi li ppurtàv’a la casa,
andó la mugliére li ffrijév’a li ccrijatùri,
pirò nu figliu suju, puru si sintéva fama,
‘n zi li mmagnàva, picché dici ca puru
da cuótti minévunu piscìgni.
Cuncètta, ch’èr’accattàta na purcèddra,
tinéva tutti figli fémmini a la casa
e una jéva sèmpe ‘ngappànnu uagliùni.
A na mamma di nu uaglióne, li dicètt
d’assavizzà lu figliu e di lassà sta
a la figlia sója, ma quéddra li rispunnètt
justu cóm’a na cana figliata:
«Attàcchiti la cacciunèddra tója,
figlió’, ca lu canu mìju sta attaccàtu!».
Quannu ‘Ntìnu li jètt’a ssanà la purcèddra
éddra lu pavàvu cu na puddràstra e ppo’,
dàtisi ca ‘nn’aveva andó métt la péna,
li dicètt: «Tèngu na purcèddra di figlia,
ch’avéss fattu buónu a l’affugà
quannu nascètt, ca jà na disprazióne,
picché mò’ va ‘ngappànnu sulu uagliùni.
Mi putissi sanà pur’a éddra,
ca ti ni dóngu dóji di puddrastre?».
«Uhéh, Cuncè’, pazziji o cche?
Ma che si asciùta di capu,
mi vulìss fa jì carciaràtu?»
rispunètt afàtu lu sanapurcèlla.
Giràvu lu culu e ssi ni jètt.
«Ma vidi che si ricapita!»
jéva sbarbuttijànnu pi la vija.
  Testo di Angelo Siciliano
Krotone, 7 dicembre 2007

Testo Angelo Siciliano

Leggi tutto l'articolo